Дидан кардани аъзоёни Кумитаи ҳамкории байнипарлумонии Тоҷикистону иттиҳоди Аврупо аз Осорхонаи Донишкадаи исломии Тоҷикистон

Санаи 16-уми сентябри соли 2025 ҳайати Кумитаи ҳамкории байнипарлумонии Тоҷикистону Иттиҳоди Аврупо бо сафари корӣ дар Тоҷикистон қарор доштанд. Дар доираи ташрифи худ меҳмонон аз як қатор мавзеъҳои саёҳии кишвар дидан намуда, бо фарҳанг ва таърихи тоҷикон аз наздик ошно гардиданд. Ҳамчунин, ҳайати мазкур аз Осорхонаи Донишкадаи исломии Тоҷикистон ба номи Имоми Аъзам – Абӯҳанифа боздид ба амал оварда, бо таърихи таъсис ва фаъолияти илмӣ-маърифатии он шинос шуданд. Меҳмонон иштироки чунин муассисаи илмиро дар рушди фарҳанг, маърифат ва муаррифии арзишҳои исломӣ муҳим арзёбӣ намуданд.