Кафедра дар навбати худ  дар асоси Низомнома, Стандартҳои давлатии таълимӣ ва дигар санадҳои меъёри ҳуқуқӣ фаъолият мекунад. Кафедраи улуми Қуръон яке аз кафедраҳои тахассусии Донишкадаи исломии Тоҷикистон ба номи Имоми аъзам-Абӯҳанифа Нуъмон ибни Собит ба ҳисоб рафта, аз рӯи ихтисосӣ 1-21 01 01 03 (улуми Қуръон) бо касби Омӯзгори улуми Қуръон ва Имомхатиб кадрҳо тайёр менамояд. Кафедра яке аз зертобеъи факултаи улуми Исломӣ буда, дар кафедра 11 устод ба донишҷуён аз рӯи фанҳои “Таҷвид ва қироати Қуръон”, “Таърихи Қуръон”, “Таърихи қироатҳои Қуръон”, “Тафсир”, Улуми Қуръон”, “Хати усмонӣ ва аломатгӯзорӣ дар Қуръон”, “Эъҷози Қуръон”, “Фосилаҳои оёти Қуръон” ва “Усули тафсир ва маноҳиҷи муфассирин” дарс мегӯянд. Дастовардҳои кафедра дар он дида мешавад, ки ҳамасола аз тарафи кафедра озмуни дохилидонишкадавии “Қории Қуръон" Ташкил карда шуда завқи толибилмонро баланд мебардоранд.