Ректори донишкада:

Ректори донишкада: н.и.ф., Зокирзода Нусратулло Мелик  Номзади илмҳои фалсафа, Зокирзода Н.М. солҳои 1993 - 2000 ба ҳайси ходими хурди илмии сектори сиёсатшиносӣ, фарҳангшиносӣ ва муносибатҳои байнидавлатии шуъбаи «Кишварҳои араб» - и Институти иқтисодиёти ҷаҳонӣ ва муносибатҳои байналхалқии Академияи илмҳои Ҷумҳурии Тоҷикистон,  солҳои 2000 - 2017 ходими илмӣ ва ходими калони илмии шуъбаи омӯзиши масъалаҳои фалсафии дини Институти фалсафа, сиёатшиносӣ ва ҳуқуқи Академияи миллии илмҳои Тоҷикистон, солҳои 2017 - 2019 котиби илмии Институти фалсафа, сиёсатшиносӣ ва ҳуқуқи АМИТ ва солҳои 2019 - 2021 мудири Кафедраи фалсафаи назди Раёсати АМИТ  фаъолият намудааст. Муаллифи ду монография бо номи «Реформаторская концепция Ахмада Дониша»  («Консепсияи ислоҳотии Аҳмади Дониш») (2018), «Истиқлоли сиёсӣ ва рушди давлатдории миллӣ» (2023) ва  зиёда  аз 40 мақолаи  илмӣ мебошад. Инчунин дар  таҳрир  ва  таҳияи  асарҳои «Тибби мансури» - и Муҳаммад ибни Закариёи Розӣ (2016) ва «Мақосид-ул-фалосифа» - и Абу Ҳомид Муҳаммад Ғаззолӣ (2019) саҳми худро гузоштааст. Ҳамзамон дар давоми  солҳои 2017 - 2019  ба ҳайси котиби  масъули маҷаллаи илмӣ - таҳлилии «Ахбор»-и ИФСҲ ба номи А. Баҳоваддинови АМИТ фаъолият намудааст. Зокирзода Нусратулло Мелик – Ректори Донишкадаи исломии Тоҷикистон ба номи Имоми Аъзам - Абуҳанифа Нуъмон ибни Собит аз  5 марти соли 2021 то ҳол.